نقدم لكم طريقة عمل رغيفات معسلين بالنشا، تيجو مورقين ومقرمشین بمذاق مميز متشبعوش منهم.
مقادير رغيفات معسلين بالنشا:
3 كيسان عنبة فورص(دقيق ابيض)
اصفر بيضة
ملعقة صغيرة خميرة الحلوى
ملعقة كبيرة خل
ملعقة كبيرة سكر
كيس فانيلا
2 ملاعق كبيرة زبدة ذائبة
ممكن نضيف زعفران
طريقة تحضير رغيفات معسلين بالنشا:
نعجنها بماء الزهر و نضيف تقریبا 2 ملاعق كبيرة فقط من الماء و ندلكها مزيان، العجين يكون ماقاصحش و مامرخوف و نقسمها ل2 كرات و نخليهم يرتاحو.
بعد ذلك ناخذ كل كرة و نبسطها بالنشا و نجمعها بحال المسمن المربع و نعاود ليها نفس العملية ثم نخليهم يرتاحو مزيان.
من بعد نطلقهم بالمدلك و نقطعهم مربعات بالجرارة و نقليهم فزيت ساخنة على نار مهيلة.
و ملي نكون كنقليها ندير فوقها الزيت باش تنفخ و نطفيهم في العسل و نزينهم بالزنجلان أو اللوز، ثم تقدم بالصحة والراحة.
ملاحظة:
كل كرة كنديرها 2 مرات على شكل مسمن المربع .
