بسطيلة الحوت اقتصادية

نقدم لك سيدتي بسطيلة الحوت اقتصادية التي يبحث عنها الجميع بطريقة مفصلة جيدا، ناجحة من تجربة إذا إتبعتي الخطوات التالية. 

مقادير بسطيلة الحوت اقتصادية :

كيلو من الكروفيت

كيلو من السمك ابيض هبرة

500غ أو نصف كيلو كلمار

فطر حسب الرغبة 

400 غ من الشعرية الصينية

ليمونة مصيرة (حامضة مصيرة)

3 أوراق سيدنا موسى

القليل من الزعتر

6 فصوص من الثوم

2 ليمونات كبار (حامض)

هريسة حسب الدوق

1 ملعقة كبيرة عامرة صلصلة الصوجا

كمية من القزبر والمعندنوس مقطع

2 مكعبات ضامتي سمك

1 ملعقة كبيرة عامرة توابل السمك

القليل من الكركم

فلفل اسود واحمر (ابزار وتحميرة)

سكنجبير (زنجبيل)

ملح حسب الدوق

خليط من زيت +زبدة

جبن (فرماج احمر)

نصف كيلو ورقة البسطيلة

طريقة تحضير بسطيلة الحوت اقتصادية

1- أولا كانخدو اي آلة كهربائية أو طحانة كانطحنو فيها وكانوضعو فيها الربيع الليمون مصير 4 فصوص من الثوم التوابل وتوابل السمك، عصير ديك 2 ليمونات (ونحتافضو بالقشرة لشيء آخر)، صلصة الصوجا الهريسة، مكعبات ضامتي سمك و نطحنو الكل ونوضعوه جانبا.

2- نأخد كاسرول نديروا فيها الماء وقشور الليمون لي عصرنا، 2 فصوص من الثوم، القليل من الزعتر و أوراق سيدنا موسى ونديروها فوق النار حتى تغلي.

3- ملي تغلي نحيدو ديكشي بالمغرف لمتقب أو الشبكة، ثم نوضعو الكلمار فداك الماء  مدة 10 دقائق ونطفيو النار، فهاد الاتناء نكونو وضعنا الشعرية الصينية فشي إناء ونصفيو الكلمار فوقها باش تشرب ديك الماء وتجي منكها ومن بعد نقطعو الكلمار قطع صغيرة.

4- في مقلاة نضع القليل من الزيت والزبدة يسخنو ونوضعو كروفيت مع ملعقة أو ملعقة ونصف من العطرية لي وجدنا ونحركوه حتى يطيب ونوضعوه فصفاية ونزلو تحتها شي حاجة باش ديك العطرية لي غاتقطر منو غانحتاجوها من بعد .

5- نأخد صينية فرن ثم ندهنها بالزيت ونضع فيها السمك الأبيض ونديرو لو شرمولة نخليوها تشرب واحد الشوية وندخلوه الفرن يطيب ملي يطيب نفرتوه باليد ديالنا ونخليوه جانبا حتى حين الإستعمال. 

6- في نفس المقلاة لي شحرنا فيها كروفيت نوضعوا فيه شوية دالزيت والزبدة ونديرو الكلمار وملعقة من الشرمولة ونحركوه حتى يستوي، ثم نضعه في صفاية فوق كروفيت نرجعو نوضعوا الزيت والزبدة ونوضعو الفطر بعد ما نغسلوه ونقطعوه، ثم نضع الشرمولة ونبقاو نحركوه حتى يستوي ثم نسكبه فوق السمك.

7- نصفيو الشعرية الصينية ونقطعها، ثم نضعها في وعاء عميق لكي نخلط المكونات، اول حاجة نأخد الماء الذي قطر من الحوت ونسكبه عليها، ثم نخلط من بعد نوضعوا السمك مع الفطر وكمية من السمك الأبيض، ثم نحتفظ بكمية فرماج احمر وملعقة الشرمولة ونخلط الكل.

8- نفرق الورقة دالبسطيلة على شكل دائرة الطريقة المعروفة وكل ورقة نزلناها ندهنوها بالزبدة ونوضعو شوية د الحشو ونديرو كمية من فرماج احمر نزيدو طبقة تانية، ثم نضع الفرماج، ثم طبقة تالتة من الحشو، ونضع داك السمك الأبيض لي حتافضنا بيه ونشدو البسطيلة ندهنها بالزبدة وندخلوها الفرن الساخن من قبل والتزيين حسب الرغبة.

من إعداد cuisine.asma@

تعديل المقال