مقادير فقاص بالكركاع :
7 بيضات
2 كؤوس سكر
2 كؤوس زيت
قبصة ملح
دانون بنان
کاس حليب
کاس زنجلان
4 معالق نافع
2 أكياس خميرة الحلوى
الدقيق حسب الخليط.
2معالق عسل
2 معالق كاكاو
شوية ماء الزهر
كركاع (جوز، عين الجمل)
طريقة تحضير فقاص بالكركاع :
نعزلو 3 اصفر البيض نضربوه مع شوية نسكافي ونخليوه جانبا ونعجنو الفقاص عادي بالمقادير الاولى ونقصموه على 3 اجزاء.
نطلقو كل جزء بالدلاك على شكل مستطيل، ونخلطو العسل والكاكاو والزهر ندهنو العجينة بهاد الخليط ونستفو الكركاع على 3 اسطر فوق العجينة ونحربلوها نستفوها فاللاطة.
ثم ندهنوها بخليط البيض ونسكافي وندخلوها للفران، من بعد ماكيطيب ونخليوه يبات ليلة كاملة عاد نقطعوه. (لتقطاع الفقاص دايما خاص يكون السكين حجم صغير ويكون جديد).
يمكنكم مشاهدة الطريقة بالتفصيل من خلال هذا الفيديو
