نقدم لكم طريقة تحضير المروزية المغربية التقليدية على حقها وطريقها تتجي معلكة و معسلة يا سلام بمذاق بنين بزاف.
مقاديرالمروزية المغربية التقليدية :
لحم الخروف (انا عملت لحم العنق)
2 معالق كبارين رأس الحانوت (میکنوشي عامرين بزاف)
نصف ملعقة صغيرة قرفة
نصف ملعقة صغيرة ابزار
2 معالق كبارين عامرين سكر(او اكتر حسب الذوق)
1 ملعقة كبيرة عسل
شوية دالملح
نصف كأس ديال الزيت
3 معالق كبارین زبيب (او على حسب الذوق)
طريقة تحضير المروزية المغربية التقليدية :
أولا كنعمل اللحم في الطنجرة من بعد ماغسلتا مزيان وكنعمل عليها نصف كأس الماء والقرفة والابزار والملح وراس الحانوت وکندهن اللحم مزيان وكنخليهم ساعة او 2 ساعات باش تدخول فيهم الشرمولة.
من بعد کنعملا فوق النار تكون مهيلة ملي كتغلي وتتقلى شوية في دك الماء كنزيدلا الزيت وكنخليها تتقلى شوية وكنضيف الماء وكنخليها تطيب.
ملي كتبدا تطيب وتشرب الماء شوية كنزيدلا السكر والعسل هنايا كنقس العافية باش ما تلصقشي وتتحرق.
ملي تتعسل وكنخليها تطيب ملي كنشوفا علاين تطيب كنزيدلا الزبيب وكنخليها حتی کتطيب وتتشرب الماء وتتعلك المرقة كنطفي عليها وكتتقدم مع اللوز مقلي.
ملاحظة هاذ العبار ديال واحد کیلو وربع تقريبا ديال اللحم كل مازدتو اللحم کيتضاعفو العطرية والسكر ممكن تزيدو اذا كانت كتعجبكوم الحلاوة او تنقصو على حسب الذوق، وبالصحة والعافية.
